Hver eru smiteinkennin?

Í þessa hrikalegu frétt, sem mér finnst minna á æsifrétt (því miður) vantar þessar upplýsingar.  Hvernig veit ég, ef ég hef verið að koma frá t.d. Mexíkó (sem ég var sem betur fer ekki) hvort ég er með veiruna í mér??

 Ef ýtt er á linkinn við fréttina: "Hér er hægt að fylgjast með nýjustu upplýsingum" og ýtt á linkinn:

EDCD Frequently asked Questions for Human Swine Influenza A (H1N1)

þá má lesa sig til um hvernig veikin lýsi sér. T.d. segir að fólk sem var á hættusvæðunum eins og í Kaliforníu eða Mexíkó og þjáist af öndunarerfiðleikum, hita eða verkjum í vöðvum ættu tafarlaust að hafa samband við heimilislækni sinn.

Á fréttavef Spiegel.de eru einnig betri upplýsingar.  Læt linkinn við það fylgja, þá geta þeir sem vilja spreytt sig á þýskunni sinni við lesninguna.

http://www.spiegel.de/panorama/gesellschaft/0,1518,621291,00.html

Vona að þetta hjálpi þeim sem vilja vita meira eins og ég.

Kær kveðja frá Þýskalandi

Búist við að helmingur þjóðarinnar gæti sýkst

Þetta hljómar vel :-)

Já líst bara vel á þetta.  Hef aldrei haft neina trú á þessum megrunarkúrum sem stelpurnar í bekknum voru alltaf í eða sumar vinkonurnar taka uppá.  Sítrónukúrinn, kálsúpukúrinn, Kaloríutalningar, Diet drykkir oj bara ofl ofl.

Ég er svoddan nautnaseggur að ég gæti aldrei farið í einhverja megrun.  Mitt leyndó hefur alltaf verið að borða það sem mig langar í þegar mig langar í það.  Og hreyfing er númer eitt tvö og þrjú!  Góðir langir göngutúrar eða hjólatúrar í fersku lofti er eitt það besta sem ég geri sjálfri mér, ekki bara fyrir líkamann heldur líka fyrir sálina.

Ég er svo blessunarlega laus við það að vera hrifin af frönskum eða öðru brasi.  En án súkkulaðis gæti ég ekki lifað og gosdrykki drekk ég bara stundum.  Engin smjör stelpa er ég heldur, en það kemur samt fyrir að ég setji smjör á brauð, td rúgbrauð og flatkökur verða að vera með smjöri finnst mér.  Jæja nóg um það :-)

Spennandi verður að bera mínar tilgátur og lífsreglur við þær úr þessari bók. 

Etum, drekkum og verum glöð

Tala saman!

Ég vek athygli á einu: 

Við getum notið góðs af þessu litla þjóðfélagi sem við erum með t.d. borgarafundum, þar sem hinn almenni borgari getur spurt beint ráðamenn þjóðarinnar spjörunum úr.  Það er okkar sérstaða, þessi mikla nánd við forráðamenn þjóðarinnar.  Það er sko alls ekki sjálfsagt!  Þess vegna er mikilvægt fyrir okkur, almennu borgara að vera málefnaleg í aðfinnslum okkar við ríkisstjórnina.  Spurja og fá svör!  Semsagt að gefa ríkisstjórninni tækifæri á að hlusta á okkar óskir og hvað við viljum, og fá svör á móti frá henni. Með því að vinna saman getum við áorkað ansi miklu, ég er sannfærð um það!

Eitt soldið ýkt dæmi er t.d. viðtalsþáttur sem ég sá í Indlandi. Þar kom fólk saman eftir hryðjuverkaárásirnar í Mumbai á dögunum og var það að reyna að vinna úr hræðslu sinni og reiði í beinni útsendingu á fréttastöð þar í landi (NDTV).  Fólk hafði spurningar en fékk engin svör.  Engir ráðamenn þjóðarinnar stóðu þar fyrir svörum, heldur leikarar sem líka voru í sjokki og fyrrverandi lögreglufulltrúi.  Svo var fengið samband við einskonar "ræðismann" eða fjölmiðlafulltrúa ríkisstjórnarinnar til að reyna að fá svör hvernig stjórnin bregðist við, en hans svör voru bara útúrsnúningar!  Hugsum aðeins um það. 

Okkar hagur er í smæð okkar, þótt það hái okkur að mörgu leyti.

Lögregla ræddi við mótmælendur

Sannar að ekki er nóg að veðja á einn hest!

Já hér er það svart á hvítu.  Þessir áljöfrar sem meina að með því að byggja nógu mikið af álverum á Íslandi, bara gefa landinu nýtt nafn, "Ál-land", þá myndu öllum líða vel hérna og hafa nóga vinnu!!!

Semsagt, okkar smáa og dýrmæta land á miklu betra skilið en ad vera sökkt undir lón og virkjanir til að framleiða orku til álbræðslu! 

Okkar ósnerta náttúra er gullmolinn okkar, þeir sem ekki hafa áttað sig á því þurfa að fara að læra það!

Hvers vegna var ekki hlustað á viðvaranir Davíðs???

Lesið þetta og dæmið svo:

Hvers vegna komst peningafólkið upp með það að fá svona óheyrileg völd í landinu með því einu að vinka peningaseðlum að bönkum og pólitíkusum og fjölmiðlum, jafnvel forsetanum og og og.....???  

"Med en fri presse var det ikke sket

- Jamen har I ikke svigtet? Hvordan kunne man tillade, at den private finansielle sektor blev tre gange så stor som statens budget, og I nu skal låne - og tilbagebetale - fem milliarder dollar - ca. 35 milliarder danske kroner - et kæmpebeløb for en nation på kun 320.000 sjæle?

- Ja, det er tre gange større end vort nationalprodukt og 10 gange statens budget.

Banken og jeg har også advaret, hvad jeg netop har gjort opmærksom på i en stor tale, som jeg tror vil ændre opfattelsen af mig.

Faktisk advarede vi hele tiden Men ingen ville høre, slet ikke bankledelserne. Og dem stolede politikerne på.

Heller ikke offentligheden ville høre. Ingen vil kunne nægte, at jeg har været meget kritisk over for de nye finansfolk. Jeg så en stor fare i, at de fik stadig større magt og bl.a. ønskede også at sætte sig på medierne.

Derfor lavede jeg en lov, der vendte sig mod den mediekoncentration, der var under opsejling.

Men Præsidenten nedlagde veto og jeg blev syg, og loven blev ikke til noget. Derfor har vi ikke en uafhægig, fri presse. Den er ejet af de samme kredse, der har styrtet os i ulykke. Hvis vil havde haft en fri presse, der havde kunnet og ville kontrollere de sande magthavere, var vi ikke kommet ud i det stormvejr, der nu hersker." (Útdráttur úr greininni sem vísað er í í fréttinni)

Málið hér er ekki hvort Davíð fari aftur í pólitík, heldur hvernig gat það orðið að peningafólkið fékk svona rosaleg völd að það gat vaðað uppi alls staðar og það í okkar litla þjóðfélagi???

Af hverju notaði Ólafur forsteti neitunarvald sitt???  Ef einhver getur hugsað aftur í tímann þá voru nú líka Davíð og Ólafur í ansi andstæðum flokkum þegar Ólafur var ekki forseti heldur "Skattmann" ! Allir búnir að gleyma því.....

Svo er annað, verið er að reyna að bjarga fyrirtækjunum og bönkunum en hvað með almenning???  Fólk sem alltaf stóð í skilum og er að missa vinnuna núna og þar að auki húsaskjól sín!  Það verður líka að gera eitthvað í þeim málum, AF HVERJU EKKI AÐ AFNEMA ÞESSAR VOÐA VERÐBÆTUR!!! 

Davíð: „Þá mun ég snúa aftur"

Kominn tími til að taka sér önnur Evrópu lönd til fyrirmyndar

Þetta líst mér vel á.  Man þegar ég var að sækja um námslán nú eða bara Visakort í den, þá þurfti maður alltaf að ganga á vini og vandamenn, stilla þeim upp við vegg og biðja þá að skrifa undir svo maður fengi nú námslán nú eða bara Visa kort.  Þetta er nottulega bilun.

Svo kem ég til Evrópu, hef störf og sæki um bankalán.  Þá er beðið um síðustu launaseðla og skoðað hvað ég er að eyða í fastan kostnað.  Svo er áætlað á mig hversu mikið ég þarf til að lifa þar fyrir utan.  Ég segi þá að ég geti nú lifað spart, hert sultarólina meðan ég er að borga af láninu.  En nei, bankinn segir, svona mikið þarf ég að hafa til ráðstöfunar og svo það sem eftir verður get ég svo notað í að borga af láninu.  Þetta er snilld hreint út sagt.  Þá hugsaði ég, afhverju er þetta ekki svona heima? 

Mér fannst ekkert gaman að þurfa að stilla vinum og vandamönnum upp við vegg og verða sár eða fúl þegar þeir sögðu nei, brenndir af annarri reynslu, sem bitnaði svo á mér sakleysingnum.

Spennandi að fylgjast með hvernig þetta frumvarp fer.

Frumvarp um ábyrgðarmenn lagt fyrir Alþingi

Björk er sniðug

Ég sá viðtalið við hana í Kastljósi og var ég mjög hrifin af því sem hún hafði að segja.  Hún er að hrinda góðum málum af stað.  Ég held að við getum nýtt okkur fjármálakreppuna á jákvæðan þátt, með því að læra af þeim mistökum sem orðið hafa.  Hugsa upp á nýtt, hvað getum við gert til að okkur líði vel/betur á Íslandi.  Við erum búin að læra að fólk gat orðið ríkt ansi hratt, en jafn hratt missti svo fólk líka mikið.  Þetta verður jú að taka með í reikninginn þegar verið er að stunda fjárhættuspil á þessum mælikvarða.  Ekki er hægt að stóla á að vinna alltaf, einnig þarf að vera viðbúinn hruninu ef tap verður.  Þannig eru jú fjárhættuspilin, græða stórt en líka tapa stórt.  Því miður bitnar svo svona lagað alltaf á röngum aðilum.  Þeir stóru komast upp með stór töp meðan hinir minni eru látnir borga upp í topp.  Þetta er óréttlætið í þeim heimi sem við búum í.  Vonandi munu sem flestir læra á þessu, ekki treysta stóru risunum, styðja frekar hina minni.  Sem er einmitt það sem Björk er að tala um.  Sprotafyrirtækin. 

Hvað getum við t.d. gert til að ferðamenn vilji koma til okkar kalda lands (já margir halda enn að hér sé svo kalt.. það sér maður nú t.d. á útbúnaði ferðamanna er hingað koma almennt). Ég sá grein eftir Gunnar Imsland forstjóra Iceland Express um daginn og var hans grein einmitt uppbyggjandi hvað varðar kreppuna.  Við eigum að nýta okkur þessa reynslu til góðs.  Það er Björk líka að reyna að benda á.  Við höfum ekki séð marga möguleika sem við eigum hérna.  Landið okkar er dýrmætt og því þarf að hlú að.  Ekki byggja allt of mikið af álverum, nóg er komið eins og er. Jarðarför Kárahnjúka landsins er jú gott víti til varnaðar.

Hin ósnortna náttúra er okkar aðal dýrgripur.  Hana á maður erfitt með að finna í Evrópu.  Akkúrat þess vegna sækir fólk mikið í að koma hingað.  Sérstaklega Þjóðverjar.  Enda skil ég nú vel að þeir sæki í landið okkar, þar sem maður heyrir alltaf í Hraðbrautinni, lest eða flugvél, þótt maður sjái kannski ekki nema trén í skóginum og smá graslendi á milli. Svo er líka víðáttan heillandi.  Svona víðáttu og fjölbreytni og einsemd (þá meina ég að vera einn með náttúrunni, semsagt jákvæða einsemd :)) er ekki að finna í hinum fjölbýlu löndum Evrópu.  Nákvæmlega þetta sækir hinn erlendi ferðamaður í, já og líka Íslendingurinn sem býr erlendis. Þeir sem ekki skilja hvert ég er að fara hér, ættu kannski bara að prufa að búa erlendis í svona nokkur ár.  Stundum finnst mér að það ætti að vera skylda allra landsmanna að flytja erlendis í smá tíma, þá fyrst lærir maður að meta landið sitt og finna fyrir hinum raunverulegu verðmætum þess.  Nákvæmlega þessum verðmætum verður að hlú að.

Björk var sniðug að hóa til sín fullt af sérfræðingum á hinum ýmsu sviðum m.a. umhverfis og ferðamálum.  Ég held bara að þeir sem eru að skíta hana út hérna, séu bara öfundsjúkir eða þröngsýnir nú eða svo forfallnir efnishyggjunni að erfitt er að komast úr þeim pakka, (orðnir álvitlausir).  Nú og svo hin eilífa umræða um ESB.  Langt er nú orðið síðan Jón Baldvin var að "akitera" fyrir inngöngu.  Jú eitt er að sjálfstæði okkar sem þjóð er okkur mikilvægt, það tek ég líka undir heils hugar.  Ekki er heldur réttlátt að hugsa bara um ESB þegar harðnar í ári hjá okkur, eins og það eigi eitt og sér að redda málunum.  Samningaviðræður varðandi ESB yrðu erfiðar vegna fisksins því neita ég ekki.  Svo ég legg til að við kannski könnum hvernig staða þeirra í Brussel er í garð okkar.  Smáríki er líka ekki valdamikið í svona stóru bákni.  Svo ekki eigum við að flýja blint þangað.  En mér finnst nú allt í lagi að kanna málið, ekki loka alveg dyrunum á það.

Áfram Ísland, við stöndum okkur!

Svona eru Japanir, passa alltaf uppa andlitið...

Já þetta passar við það hvernig Japanir hugsa, mjög sérstök þjóð... segi ekki meir...

Vilja ekki íslensku sinfóníuna

Hvar voru flugfreyjurnar?

Jæja já ekki hljómar þetta vel.  En ég spyr hvar voru flugfreyjurnar? Þær eiga að sjá um að flugmennirnir séu vel haldnir og fái nóg kaffi og kók á svona erfiðum túrum. 

Þetta er jú kannski bara viðvörun fyrir flugfélagið.  Þeir sem gera plönin þarna ættu kannski að hugsa sinn gang betur og leyfa flugáhöfninni að fara frá borði í Jaipur til að hvíla sig, í stað þess að senda þá strax áfram til Mumbai.

Já það er margt í mörgu og sem betur fer fór ekki verr.  Goa er jú ekki langt frá Mumbai.

Kær kveðja úr fluginu :)

Sofandi flugmenn fóru framhjá áfangastaðnum

Hvar eru lögin um friðun gamalla húsa?

Mikið agalega er ég orðin þreytt á því að þeir sem enga virðingu bera fyrir gömlu húsum Reykjavíkur fái að vaða uppi og eyðileggja.  Eru allir að drepast úr græðgi? Hvar er umræðan í Borgarstjórn um friðun eldri húsa Reykjavíkur?

Fyrir það fyrsta finnst mér óheyrilegt að einkaaðilar hafi fengið yfir höfuð að kaupa þetta hús.

Lögin þarf að endurvinna.

Ekki farið á skjön við lög